1. Përdorimi i rregullt.
Aparatit i dëgjimit për një pacient fillestar rekomandohet që javën e parë të përdoret pjesërisht duke shtuar çdo ditë 2 orë përdorimi. Pas një jave përdorimi të pjesshëm pacienti rekomandohet të përdorë aparatin gjatë gjithë ditës ose aktiviteteve të ndryshme ditore në mënyrë që rutina e pacientit të shoqërohet nga tingujt e jetës dhe ambjentimi të jetë më i shpejtë dhe të ketë rezultat të menjëhershëm.
Gjatë ditës ju mund të dëgjoni tinguj të ndryshëm të cilët mund të mos i keni dëgjuar për një kohë të gjatë si hapat tuaja, zilen e shtëpisë apo edhe zhurmën e pajisjeve elektronike varet nga shkalla e humbjes së dëgjimit që ju keni patur, të cilat mund t’ju komfuzojnë si fillim por duke e përdorur vazhdimisht aparatin këto tinguj do të jenë normal për juve dhe nuk do ju shqetësojnë në vazhdim.
2. Biseda me njerëz.
Biseda me njerëz të tjerë, familjarë apo kolegët tuaj përballë apo në celular është një nga kënaqësitë e para për shumicën e përdoruesve të rinj të aparateve të dëgjimit. Nga një jetë në heshtje ju do të keni mundësinë të dëgjoni zë të qartë dhe të fokusuar dhe do të jeni në gjendje të merni pjesë në biseda dhe aktivitete të ndryshme në krahasim me përpara.
Bisedat telefonike janë më të këndshme me aparatin tuaj të dëgjimit pasi nuk do të humbisni asnjë fjalë duke qenë se teknologjia e avancuar që aparati mbart bën të mundur lidhjen e aparatit me celularin dhe ju mund të dëgjoni bisedën drejt për drejt nëpërmjet aparatit pa e dëgjuar askush tjetër përveç jush.
3. Rikontrolli.
Pasi ju keni përdorur për një muaj rregullisht aparatin audiologu juaj ju rekomandon të bëni një kontroll në klinikë, për të parë ecurinë dhe për të bërë rritjen e volumit të aparatit për të pasur qartësi më të madhe dhe pastrimin e aparateve.
Në vazhdimësi ju mund të vendosni vetë për kohën e kontrolleve në bazë të përdorimit apo edhe nevojave tuaja.
Këshillë.
Mbajtja e aparateve në mënyrë intensive mund t’ju bëjë të ndiheni edhe të ngarkuar, është mirë që herë pas here të hiqni dhe të ajrosni veshin tuaj dhe i rivendosni kur të jeni gati. Mos u ndjeni nën presion përdorimi i aparateve tuaja është në dorën tuaj.
